Anita Kessels
Op het Kieveloeëte Treffe is Anita Kessels uitgeroepen tot vastelaovesvierder van Meijel 2020
Géér òllie èndacht vur de vastelaovesvierster van 2020
Motivatie:
- Nie utj de vastelaovesdaach wéch te dinke èn béj bekant alles van de partéj mi dees dólle daach.
- Sjrie:ve vur èn zinge óp de liedjesaovent. Ènjaager van de jeugt óp de kwèèkmiddig, lèkker knómmele vur d’n Bónte Stèùrem, aktief mi ‘t Èffebal.... wa éjgelek nie.
- We hébbe ‘t hier dan ók övver ‘ne vastelaovesvierder/vierster in hart en niere; ‘n vastelaovesveurbilt vur veul.
- De vastelaovesvierder/vierster van 2020 viert nie allieën vastelaovend mi Groeët en Klééjn binne ‘t gezin; mèr hi ók ‘n groeëte ènjaachfunksie richting ur umgééving van kammerèùj, buurt en wèèrek.
- Ge kaant wal stélle dè we hier te maake hébbe mi ’n zèùrichzaam tiep.
- ‘n Gezin dè zéllefs al ‘ne prins binne de geledere hi.
- De wichter van ‘t gezin die hébbe ‘t vastelaovesvierus maksiemaal tòt zich genómme, mèr urre mèns die moet óppe titj nòch ‘n ekstra sjòt toegedient wéére. Al gé ók hém dè almèr bétter af.
- Ieën van de wichter is zéllefs al us prins geweest.
- Ur maatje woor afgeloeëpe woenzig nòch benuumd tòt vastelaovesvierster van Pieël & Maas; en wa is ‘t sjòn dè ze dè stukske vastelaovesgeluk vanaf vandaach maage délle.
- Laote we dur nie langer um hin drèèje; want zònne sjònne vastelaovesvierster; die moete ge belééve ….
Kieveloeëters en Kieveloeëterinne, wéj zin gröts en verieërt um de titel: “VASTELAOVESVIERDER 2020” te mage gééve èn:
Anita Kessels